پاکستان کی جانب سے ٹی ٹوئنٹی ورلڈکپ میں بھارت کے خلاف شیڈول میچ کے بائیکاٹ کے بعد سابق بھارتی کپتان مہندر سنگھ دھونی کا اہم بیان سامنے آ گیا ہے۔
آئی سی سی ٹی ٹوئنٹی ورلڈکپ میں پاک بھارت میچ کے بائیکاٹ کے فیصلے کے بعد کرکٹ حلقوں میں بحث تیز ہو گئی ہے۔ اس معاملے پر ردعمل دیتے ہوئے سابق بھارتی کپتان مہندر سنگھ دھونی نے کہا ہے کہ بھارتی ٹیم کو اس ایونٹ میں سب سے بڑا چیلنج پاکستان نہیں بلکہ اوس (Dew) سے ہوگا۔
بھارتی میڈیا کے مطابق دھونی کا کہنا تھا کہ بھارتی ٹیم اس فارمیٹ میں سب سے مضبوط اور خطرناک ٹیم ہے اور اس کے پاس تجربہ، مہارت اور گہرائی موجود ہے، تاہم اوس میچ کا رخ مکمل طور پر بدل سکتی ہے۔
2007 کے ٹی ٹوئنٹی ورلڈکپ کے فاتح کپتان نے کہا کہ اوس کی وجہ سے بولنگ اور فیلڈنگ شدید متاثر ہوتی ہے جبکہ ٹاس بھی فیصلہ کن کردار ادا کرتا ہے۔ ان کے مطابق اگر کنڈیشنز نیوٹرل رہیں تو بھارتی ٹیم دنیا کی بہترین ٹیموں کے خلاف زیادہ تر میچز جیتنے کی صلاحیت رکھتی ہے۔
