طبی ماہرین نے انکشاف کیا ہے کہ روزانہ کم از کم 30 منٹ پیدل چلنے کی عادت اختیار کرنے سے نہ صرف دل کی بیماریوں کا خطرہ کم ہوتا ہے بلکہ شوگر، موٹاپے اور ذہنی دباؤ میں بھی نمایاں کمی آتی ہے۔
بین الاقوامی ہیلتھ ریسرچ کے مطابق تیز قدموں سے واک کرنے سے بلڈ پریشر قابو میں رہتا ہے، جسم میں انسولین کا توازن بہتر ہوتا ہے اور دماغی کارکردگی میں اضافہ ہوتا ہے۔ ماہرین کا کہنا ہے کہ روزانہ واک کرنے والے افراد میں فالج اور ہارٹ اٹیک کا خدشہ 25 سے 30 فیصد تک کم ہو جاتا ہے۔
تحقیق میں یہ بھی بتایا گیا ہے کہ صبح کے وقت سورج کی روشنی میں واک کرنے سے نیند کے مسائل کم ہوتے ہیں اور موڈ بہتر رہتا ہے۔ یہی وجہ ہے کہ ڈاکٹرز ہر عمر کے افراد کو روزمرہ زندگی میں پیدل چلنے کو معمول بنانے کا مشورہ دیتے ہیں۔
ماہرین کے مطابق اگر کوئی شخص روزانہ ورزش نہیں کر سکتا تو کم از کم پیدل چلنا صحت مند زندگی کی طرف پہلا اور مؤثر قدم ثابت ہو سکتا ہے۔
