محمد عامر کا پاکستان سپر لیگ 2026 سے متعلق اہم بیان
پاکستان کے فاسٹ بولر محمد عامر نے پاکستان سپر لیگ 2026 میں شرکت سے متعلق اہم بیان دیا ہے۔
محمد عامر کا کہنا ہے کہ ابتدا میں ان کا پاکستان سپر لیگ 2026 کھیلنے کا کوئی ارادہ نہیں تھا، تاہم اب انہیں لیگ میں شرکت کی باضابطہ آفر موصول ہو چکی ہے۔
انہوں نے واضح کیا کہ وہ آئندہ سیزن میں نئی فرنچائز حیدرآباد کی نمائندگی کریں گے، چاہے انہیں بطور کپتان ذمہ داری دی جائے یا بطور کھلاڑی میدان میں اتارا جائے۔
محمد عامر کے مطابق حیدرآباد کی ٹیم کے ساتھ ان کی شمولیت طے پا چکی ہے اور وہ اس سیزن میں اسی ٹیم کا حصہ ہوں گے۔
کرکٹ شائقین کی نظریں اب اس بات پر مرکوز ہیں کہ محمد عامر کے ساتھ حیدرآباد کی ٹیم میں مزید کون سے بڑے اور تجربہ کار کھلاڑی شامل کیے جاتے ہیں، جس سے ٹیم کی مجموعی طاقت اور توازن کا اندازہ لگایا جا سکے گا۔
پاکستان سپر لیگ 2026 کے حوالے سے آنے والے دنوں میں مزید اہم پیش رفت متوقع ہے۔
