لاہور میں دو غیرملکی خواتین سے مبینہ زیادتی اور اغوا کیس میں پولیس کے دعوے مشکوک ہوگئے ہیں۔
اے آر وائی نیوز کے مطابق غیرملکی خاتون کے بیان اور ملزمان کے چنگل سے فرار ہونے کے بعد کی تصویر سامنے آگئی ہے جس نے متاثرہ خاتون کے بیان کی تصدیق کردی۔
دونوں خواتین اغوا کاروں کے چنگل سے فرار ہوئیں اور بھاگ کر دکان میں پناہ لی۔
دکان کے پاس موجود ٹریفک وارڈن نے انہیں ریسکیو کیا اور پولیس کو اطلاع دی جس کے بعد پولیس نے انہیں تحویل میں لیا۔
تصویر میں ٹریفک وارڈن اور پولیس اہلکاروں کو دیکھا جاسکتا ہے جبکہ دونوں خواتین سہمی ہوئی کھڑی ہیں، پولیس نے خواتین کے فرار ہونے سے پہلے دونوں کو ٹریس کرنے کی کوشش کی تھی۔
خواتین کے ملنے کے بعد واقعے کی ابتدائی معلومات سامنے لائی گئیں۔
